Lúas

Ti dis que aínda non
que aínda non é tempo,
que quedan moitas lúas
na terra das lobas.
Pero as túas palabras
teñen o brillo da navalla,
e o sabor acedo das fuxidas.

Si, xa sei que quedan moitas lúas
na terra das lobas,
pero os meus ollos xa chaman a loito
e ti sabes, meu ben,
que eu
sempre fun moi adiantada
para esas cousas.


(A ollada de Astarté)

Traducción al español: aquí.


Imagen: Peter Lindbergh